Urretxindorra gizarte mentoretza programan izena eman nahi duzu?
Iaz, Zehar-Errefuxiatuekin elkarteak Urretxindorra gizarte mentoretzako programa abiatu zuen Gasteizen, Eusko Jaurlaritzako Migrazio eta Asilo Zuzendaritzaren laguntzarekin eta Euskadi osoko erakundeen arteko elkarlanaren aldeko apostua eginez.
Eman izena ‘Deserrotuak: Ez da klima, kapitala baizik’ ikastaroan
Formakuntza interesgarri honetan parte hartzera gonbidatzen zaitugu! ‘Deserrotuak: Ez da klima, kapitala baizik. Indarkeria, erresistentzia eta desplazamendu behartuen aurrean alternatibak’ izeneko online ikastaroa da. Jarraian kontatuko dizugu zergatik ezin duzun galdu:
Funtsezko gaietan sakondu:
Ikastaroaren saio bakoitzean migrazio klimatikoen eta bortxazko desplazamenduen inguruko funtsezko alderdietan sakonduko dugu. Hainbat gairen inguruan hitz egingo dugu ekintzaile adituekin, eta sakonduko dugu nazioarteko babesean, genero ikuspegian, giza eskubideen defentsan eta multinazionalek tokiko komunitateetan duten eraginean.
Giza Eskubideen Defendatzaileak:
Bertatik bertara ezagutuko ditugu giza eskubideen defendatzaileen borroka pertsonal eta kolektiboak, hala nola: Dalila Argueta, Guapinoleko (Honduras) defendatzailea eta Basoa-Etxeko kidea; eta Leiria Vay, Guatemalako Giza Eskubideen eta Ama Lurraren defendatzailea
Kontakizun arduratsua eraikitzea:
Botere korporatiboaren rola aztertuko dugu Paz Con Dignidad- OMALeko Erika Gonzáles eta Pedro Ramirorekin. Gainera, klimaren migrazioari eta behartutako desplazamenduei buruzko beste kontakizun bat eraikiko dugu.
Halaber, mugen politikek iheslarien bizitzetan dituzten ondorioak aztertuko ditugu, Gustavo de la Orden ikertzailearekin eta Itsas Salbamendu Humanitarioa GKEarekin, hain zuzen ere.
Mundu Hobe baterako alternatibak:
Kontsumo jasangarriago eta gizatiarrago baten aldeko alternatibak proposatuko ditugu, baita bizitza erdigunean jartzen duten ekimenak ere. Ainhoa Bilbaok, Iratxe Arteagoitiak eta beste aditu batzuk desplazatu gabe bizitzearen inguruko beren jakintzak partekatuko dituzte.
Ikuspegi feminista:
Iraultza feminista izango da, ala ez da izango. Silvia Piris eta Julia Marík bizitza erdigunean jartzen duten tokiko ekimen eta sareak azalduko dituzte, munduaren ikuspegi parekide eta jasangarriago baten alde.
Xehetasun garrantzitsuak:
- Data: Urriaren 2tik azaroaren 20ra.
- Egunak: astelehenero.
- Ordua: 17:00etan (GTM +1).
- Plaza libreak: Oraindik bada lekurik!
Marokoko herriarekiko gure elkartasuna adierazten dugu
Marokoko herriarekiko gure elkartasun adierazpen zintzoena egin nahi dugu. Min handiko uneak dira. Lurrikarak kaltetutako biktimekin eta senideekin gaude, bai han, bai hemen.
2022ko Urteko Txostena argitaratu berri dugu
«Sentsazio gazi-gozoak utzi dizkigun urtea izan da. Oro har, ez dago ezer ospatzeko; izan ere, Ukrainako gerrak milioika pertsona behartu zituen alde egitera, eta horietako batzuek babesa aurkitu zuten Euskadin. Berriro ikusi genuen nola euskal gizartea buru-belarri murgildu zen bonbetatik ihesi zetozen errefuxiatuei elkartasuna emateko. Erakundeen erantzuna ere azkarra izan zen, eta inoiz erabili ez ziren babes-mekanismoak jarri ziren martxan, lekualdatutako pertsonak aldi baterako babesteari buruzko 2001/55 Europako Zuzentaraua aplikatzeari esker. Polizia-etxeak berehala hasi ziren baimenak izapidetzen, eta administrazioak beharrezko baliabideak mobilizatu zituen, arintasun eta eraginkortasun ezezagunarekin. Horrek erakutsi zuen borondate politikoa dagoenean pertsonak babes daitezkeela. Baina, tamalez, ez dugu erantzun bera ikusi babesa behar duten eta Ukrainatik ez datozen pertsonek erabiltzen duten nazioarteko babeserako prozedura arruntarekin. Izan ere, oso konplexua eta berantiarra da lehen hitzordu bat lortzea polizian asilo-eskaera hori izapidetzeko. Hortik dator geratzen zaigun sentsazio gazi-gozo hori».
300 pertsona inguru mobilizatu dira Bilbon eta Vitoria-Gasteizen diskriminaziorik gabeko harrera eskatzeko
Gaur, ekainak 20, Errefuxiatuen Munduko Eguna dela eta, Bizkaiko eta Arabako hainbat taldek mobilizazioak deitu dituzte Bilbon eta Vitoria-Gasteizen, honako lemapean: “Diskriminaziorik gabeko harrera”. Guztira 300 lagun inguru bildu dira errefuxiatuen eskubideak aldarrikatzeko (200 bat Bilbon eta 100 bat Gasteizen). Irakurri manifestua HEMEN.
Ekainaren 24an, larunbatean, Donostiak ere bat egingo du mobilizazioekin 12:00etan Alderdi Ederren egingo den elkarretaratzearekin.
Zehar-Errefuxiatuekin eta CEAR Euskadin erakundeek dei egiten dute errefuxiatuak diskriminatu gabe hartzera
Gaur Errefuxiatuen Munduko Egunaren bezpera da, eta, urtero bezala, Zehar-Errefuxiatuekin eta CEAR erakundeek asiloari buruzko azken datuen balantzea eta azterketa egin dute. Horrez gainera, errefuxiatuei diskriminaziorik gabe harrera egiteko deia egin dio euskal gizarteari. Hain zuzen ere, “Diskriminaziorik gabeko harrera” leloa izango dute Euskadiko hiriburuetako kaleetan zehar egingo diren manifestazioek; zehazki, bihar, ekainak 20, Gasteizko eta Bilboko kaleetan, eta ekainaren 24an, larunbata, Donostian.
Informazioa jaso
Egin zaitez harpidedun gure buletinean, errefuxiatuei buruzko berri guztiak ezagutzeko eta nola lagundu dezakezun jakiteko
Jarrai gaitzazu sare sozialetan
Ezagutu zu bezalako pertsona solidarioak sare sozialetako gure komunitateetan, eta lagundu iezaguzu gure lana jende
gehiagorengana helarazten.
