Babes Gara lelopean, atzo ospatu zen EiTBren Multibox aretoan Giza Eskubideen Defendatzaileak aldi batez Babesteko Programaren X. urteurrena, Eusko Jaurlaritzaren Berdintasun, Justizia eta Gizarte Politiketako Sailak gidatuta, Giza Eskubide, Memoria eta Lankidetza Sailburuordetzaren bidez eta ZEHAR errefuxiatuekink kudeatuta.
Mugak gurutzatzen dituzten bizitzak. Hegoaldeko mugari buruzko analisi feminista bat, kongresuaren programa
Mugak gurutzatzen dituzten bizitzak. Hegoaldeko mugari buruzko analisi feminista bat kongresua egingo dugu 2019ko urriaren 3an eta 4an, Euskal Herriko Unibertsitatearen lankidetzarekin.
Ekainaren 23an errefuxiatuen alde korrika
Ekainaren 23an, larunbata, errefuxiatuen aldeko “La Bilbao Refugio” lasterketa solidarioa egingo da Bilbon, bigarren aldiz.
Iaz, 600 lagun mobilizatu genituen errefuxiatuen eskubideen alde, hau da, hainbat arrazoi direla medio etxetik ihes egin behar izan duten eta gaur egun herrikide ditugun pertsona horien eskubideen alde. Hainbat eta hainbat dira gerratik edo miseriatik ihesi joandakoak –hala nolaAbdoul, Mohamed eta Oleksandr–; beste hainbat, berriz, indarkeria matxistatik, ezkontza behartuetatik, sexu-esplotaziorako salerosketatik edo LGTBIen aurkako jazarpenetik ihesi joandakoak dira –Jeanne, Sara eta Clara, esaterako–.
Bigarren edizio honetan, berriro mobilizatu nahi ditugu kausa honekin sentsibilizatuta dauden pertsona guztiak. 5 kilometroko ibilbidea izango da, Bilboko erdigunean zehar; lehiaketa ez denez, lasterka nahiz oinez egin ahal izango da.Ibilbidea amaitzean, Guggenheim museoko zabalgunean, zuzeneko kontzertu bat izango da, eta txosna bat egongo da 15:00etara arte, errefuxiatu guztiei solidaritatea erakusteko.
Izena emateko 10 euro ordaindu behar da, eta kamiseta tekniko bat eta janari-poltsa bat jasoko dira trukean.
Lasterketatik ateratzen diren irabazi guztiak ZEHAR errefuxiatuekinko Errefuxiatuei Laguntzeko Euskadiko Batzordearen proiektuetarako erabiliko dira.
Ibilbidea
Bilboko Guggenheim museoaren zabalgunean izango dira bai irteera bai helmuga (11:30ean hasiko da lasterketa). Hiri barruko zirkuitua izango da, 5 kilometrokoa; itsasadarraren ertzetik igaroko da bidea, eta Euskalduna zubiak eta Udaletxeko Zubiak mugatuko dute ibilbidea albo bakoitzean. Kontsulta ezazu hemen lasterketaren araudia.
Eman izena!
Aukeratu lasterketan soinean eramango duzun kamiseta edo kamisetak (ikusi neurriak beherago), gehitu orgatxora eta jarraitu erosteko urratsei.Behin ordainketa egindakoan, automatikoki emango duzu izena, eta mezu elektroniko bat bidaliko dizugu, kamisetak jasotzeko egunak eta lekuak zehazteko.
Kamiseta
Lasterketan izena emanez gero, janari-poltsa batez gain kirol-kamiseta tekniko bat jasoko duzu, dry fit, transpiragarria eta bizkor lehortzen dena, % 100 poliester testuratua.Kontsultatu hemen kamiseten neurriak.
GERNIKAKO KULTURA ETA BAKEAREN NAZIOARTEKO XXVII. JARDUNALDIAK: MUGA, ITZALAK ETA EDERTASUNA
Gernikako bonbardaketaren 80. urteurrenaren oroitzapenezko ekitaldien XXVII esparruan, Gernika Gogoratuz eta CEAR Euskadik elkarrizketarako eremu bat ireki dute, Bakearen Kulturaren garapena sustatzeko.XXVII. edizioa izango da eta apirilaren 27 eta 28an leku-aldatze derrigortuen gaia hartuko da hizpide, hainbat aspektu landuz, hala nola arrazoiak eta ondorioak. Asilo-eskubidea eta gerratik, indarkeriatik eta miseriatik ihesi datozen pertsonen joan-etorria. Erbestearen iraganeko eta gaur eguneko esperientziak. Gizartearen erantzukizun politikoa eta erronka, harrera duin bat bermatzeko. Gerraren aurreko elkartasun eta iraunkortasun ekimenak.
Jardunaldietan parte hartzeko inskripzioa dohainik da baina izen-emate fitxa bete eta info@gernikagogoratuz.org helbidera bidaltzea beharrezkoa da.
Informazio gehiago: https://www.gernikagogoratuz.org/eu/agenda/show/id/132
ETXEA=BABESLEKU, Fair Saturday ekitaldiko erakusketa eta kontzertua
Azaroaren 26an, kultura eta elkartasuna uztartzen dituen plana proposatzen dizugu: Iratxe Gonzalez Villalaguenga ilustratzaileak antolatutako Etxea = Babesleku erakusketa eta kontzertua, Zorrozaurreko “ZAWP” aretoan (Bilbon) ospatuko dena.
Ekitaldia 20:00etan hasiko da, bertan, adimentsuak diren 40 artisten obrk erakutsiko dira, haien ikuspegitik errefuxiatuen egoera azalduko dituztena.
CEAR Euskadiko proiektuetara bideratuko dira lortutako diru-sarrerak: obretako %70 eta sarreretako %100.
Memoria partekatuak – Unibertsitateko egitasmoak
 EHUGUNE, Unibertsitatea eta Gizarte Zibila, gerraren eta behartutako lekualdaketen aurka
Espazio hau Gernika Gogoratuz eta EHUrekin elkarlanean sortu da; bertan, unibertsitateko hainbat eragilek eta giza eskubideen, bakearen kulturaren eta behartutako migrazioen alorrean lan egiten duten elkarteetako zein gizarte-mugimenduetako hainbat ordezkarik parte hartu dute. Espazio horren helburua zen Unibertsitatearen eta antolatutako gizarte zibilaren arteko artikulazioa eta aliantza estrategikoak sustatzea, gerrari eta behartutako lekualdatzeei aurre egiteko eta pertsonen zein herrien giza eskubideak defendatzeko. |
|
 Mahai ingurua “Europa eta Asilo Eskubidea: Historia, mugak eta babesa behartutako desplazamenduen aurrean”
EHUko Lankidetza Bulegoarekin elkarlanean, “Europa eta Asilo Eskubidea:historia, mugak eta babesa behartutako desplazamenduen aurrean” jardunaldia antolatu da, honako helburu honekin : Europako asilo-sistema eta EB egungo egoerari ematen ari zaion erantzuna hobeto ezagutzea, Hegoaldeko Mugan errefuxiatuen eskubideen urraketen arloan gertatzen ari dena aztertzea eta egungo testuinguruak elkartasun internazionalistari jartzen dizkion erronkak jorratzea. |
Itzuli proiektuaren aurkezpenera