CEAR-Euskadi

ZEHAR errefuxiatuekink sakonago aztertuko ditu transnazional handien ondoriozko desplazamendu behartuen kausak

P V

Uste du arrazoi horrengatik lekualdatutako pertsonak errefuxiatuak direla, eta haien nazioarteko babesa eskatzen du

Arazoa ikuspegi feministatik lantzen du, emakumeen gorputz eta bizitzetan duen eragina aztertuz

Bilbo, urriak 27 eta 28.- Urriaren 27an eta 28an “Desplazamendu Behartuen Kausak Eztabaidagai” biltzarra egingo da Bilbon, ZEHAR errefuxiatuekink antolatuta. Bitzarraren helburua da agerian jartzea transnazionalek nolako eragina duten instalatzen diren komunitateetako desplazamendu behartuen sorreran.

Gehiago Irakurri

Beste urte batez, Arabak errefuxiatuekiko elkartasuna Bizilagunak ekimenaren bitartez adierazten du

P V

Bernardo Atxaga Idazleak, Lourdes Oiarzabal txirrindulariak eta Maider Unda borrokalariak ekimenarekin bat egin dute, Arabako herrietan zurrumurru xenofoborik gabeko kultur arteko elkarbizitza sustatzeko asmoz.

Urriak 22, Vitoria-Gasteiz.- Bizilagunak iniziatiba hirugarren urtez jarraian Vitoria-Gasteizen eta lehenengo aldiz Arabako Lautadan eta Aiala eta Kanpezuko kuadrilletan ospatuko da. Ekimena ZEHAR errefuxiatuekink gidatzen du Araban eta bere helburua kultura ezberdinetako (errefuxiatuak, migratzaileak, bertokoak) pertsonen artean harremanak sustatzea da, igande bateko bazkaria elkarrekin partekatuz.

Aurten, Bizilagunak azaroak 13an ospatuko da. Igande horretan, etorkin, errefuxiatu eta bertoko familiak bazkaltzeko elkartuko dira Araban. Gauza bera gertatuko da Euskal Herriko, Europako eta munduko herri eta hirietako beste hainbat etxeetan.
Bazkari bakoitzean, bi familiaz gain, dinamizatzaile batek parte hartuko du, antolaketan laguntzeko. Familia kontzeptua, moduz zabalean ulertuta, noski: ama bakarrak; emakumez, gizonez edo emakume eta gizonez osatutako bikoteak, seme-alabekin edo gabe; pisukideak; bakarrik bizi diren pertsonak, amamak beraien ilobekin; lagun taldeak…

“Ireki zure etxeko ateak, zabaldu zure gogoa! Izan Bizilaguna!” lemapean, jatorri ezberdinetako lagunek ekimenean parte hartzeko gonbitea ondoko bideoan luzatzen dute: https://www.youtube.com/watch?v=Jx5cWz95Ni0 Beraien artean, Bernardo Atxaga idazlea, Lourdes Oiarbide txirrindularia eta Maider Unda borrokalaria aurkitzen ditugu. Bertan, etorkinen inguruko zurrumurru xenofoboei ateak ixteko gonbitea luzatzen dute.

¿Zer egin behar duzu parte hartzeko?

Honako aukerak dituzu ZEHAR errefuxiatuekinrekin harremanetan jartzeko:

contacto_bizilagunak (3)

Hurrengo herrietakoa bazara, parte hartzeko formularioa bete esazu (bai familiak eta baita dinamizatzaileak ere): Vitoria-Gasteiz, Aialako kuadrilla, Kanpezuko kuadrilla eta Arabako Lautadako kuadrilla.

Informazio gehiagorako sartu gure webgune eta sare sozialetan:

https://www.cear-euskadi.org/?p=2140

https://www.facebook.com/bizilagunak.araba/

https://twitter.com/BizilagunAraba

Elkarrizketak lotzeko Miriam Del Ríorekin jarri zaitez harremanetan: miriam.delrio@cear-euskadi.org

Guardar

Lekualdaketa behartuen arrazoiei buruzko eztabaida: Begirada berriak, erronka berriak

P V

Estraktibismoa. Zenbait bizimoduren desagerpena. Lurren pilaketa. Enpresa transnazionalak. Lekualdaketa behartuak. Babeslekua. Nazioarteko babesa. Lekualdatutako pertsonen giza eskubideak. Alternatiba feministak.

Biltzar honetan, zenbait bizimoduren desagerpenari eta garapen-ereduaren ondorioz gertatzen diren lekualdatze behartuei buruz hausnartuko dugu hainbat gizarte-eragilerekin, eta nazioarteko babesaren inguruko erronkak jorratuko ditugu.

Desplazamendu behartuen kausak eztabaidagai

NORK? Denia Mejía (Honduraseko aktibista), Liliana Moreno (Corporación Vamos Mujer – Kolonbia), Merlys Mosquera (behartutako migrazioetan aditua – Kolonbia), Yayo Herrero (FUHEM Ecosocial), Beatriz Plaza Escrivà (OMAL), Beatriz de Lucas eta Raquel Celis (ZEHAR errefuxiatuekin).

NOIZ? Urriaren 27an (osteguna) eta 28an (ostirala), goizez.

NON? Deustuko Unibertsitatean (Garate Aretoa) – Bilbo.

Sakatu hemen programa deskargatzeko.

Parte hartu nahi baduzu, eman izena helbide honetara idatzita: info@cear-euskadi.org

Guardar

Auzitegi Nazionalak Nazioarteko Babesa aitortu dio Hassanna Aalia aktibista sahariarrari

P V

Bilbao, 2016ko urriaren 5ean. Bost urte igaro dira Hassanna Aalia aktibista sahariarrak Nazioarteko Babesa eskaini zuenetik. Prozesu luze honen ostean, Auzitegi Nazionalak onartu dio errefuxiatu estatutua, Barne Ministerioaren erabakia ezeztatuz. Aaliaren esanetan “Prozesua luzea eta gogorra izan da, baina aldi berean, oso polita. Pertsona, erakunde eta instituzioen elkartasuna, laguntasuna eta babesa sentitu dut 5 urte hauetan”.

Gogorarazten dugu Hassanna Aaliari biziarteko kartzela zigorra ezarri ziola Marokoko epaimahai militar batek, Saharako Gdeim Izik kanpamendu bakezalean parte hartzeagatik. Inolako bermerik gabeko prozesua izan zela salatu dute askotan nazioarteko hainbat erakundeek.

De izquierda a derecha Patricia Bárcena, Hassanna Aalia y Javier Canivell en la rueda de prensa

“ZEHAR errefuxiatuekintik txalotzen dugu Autitegi Nazionalaren erabakia eta benetan eskertzen dugu kasu honen salaketak izan duen babesa, elkarte eta instituzioen elkartasuna”, adierazi du Patricia Barcenak, ZEHAR errefuxiatuekinko Zuzendariak eta gehitu du “kasuak hartu duen garrantzi publikoa babes horri esker ezbairik gabe izan dela”. Hassannaren abokatuak, Javier Canivellek gogorarazi du notizia ona dela baina “ tamalez, ez da ohikoa sahariarrei babes internazionala eskaintzea”.

Sahariarrek bizi dituzten Giza Eskubideen urraketak direla eta, askok beraien etxetik ihes egin behar dute Nazioarteko Babesa eskatzeko. 2015ean 15 sahariarrek babes eskaera egin zituzten Estatu mailan, 31 aldiz 2014ean, baina ez zen bat bera ere ez onartu urte berean.

Guardar

ZEHAR errefuxiatuekink Eusko Jaurlaritza berriak errefuxiatuen eskubideak bermatzeko hartu beharreko premiazko 5 neurri proposatu ditu

P V

Irailaren 25ean izango diren EAEko hauteskundeei begira, ZEHAR errefuxiatuekink Euskal Autonomia Erkidegoko alderdiei hurrengo deia luzatu die: beraien hauteskunde programetan neurri bereziak hartzea errefuxiatuen eskubideak bermatu daitezen.

Hortaz, 5 premiazko neurri hartzea da Eusko Jaurlaritza Berriari egiten zaion eskaria, “Euskadira asilo bila heltzen diren pertsonek instituzioen babesa sentitu dezaten beraien eskubideez goxatu ahal izateko, hala nola, integratzeko eta beraien bizitza berregiteko”, adierazi du Javier Galparsorok, ZEHAR errefuxiatuekinko Presidenteak. Gogoratu beharra dago 10etik 7 asilo eskaera ukatzen direla.

Proposatutako 5 premiazko neurriak hauexek dira:

Euskadira heltzen diren errefuxiatu guztien eskubideak bermatzea eta errekurtso eta zerbitzu publikoak eskuratu ahal izatea, beraien jatorria eta hona iristeko erabili duten bidea edozein dela ere.

Kulturen arteko elkarbizitza eta harrera integrala sustatzea, benetako babes-hiri
eta babes-herriak sortuz.

Publikoki EB-Turkia itunaren aurka agertzea eta Gobernu zentrala presionatzea itunari emandako babesa ken dezan.

Espainiako Gobernua estutzea mugak pasatzeko bide seguruak berma ditzan
eta Europan hartutako konpromisoak bete ditzan.

Europako araudia betetze aldera, Asilo Legea garatzen duen erregelamendua exijitzea, 7 urte daramatza eta egin gabe.

premiazko-5-neurri

Boto Lagatzea:

2014tik hona, ZEHAR errefuxiatuekink Boto Lagatzea oinarri izan duten hainbat kanpaina bultzatu ditu. Ekimena honetan datza; boto eskubiderik ez duen migratzaileei bertoko batek bere botoa lagatzea. Galparsororen esanetan, “Desparekotasun hau ikustaraztea migratzaileek herritartasun osoa lortzeko pausu bat da”.

Horrez gain, hauteskunde egunean, ekintza honekin bat egin nahi dutenek, ekimena egiten erakusten duen argazki bat igo dezakete beraien sare sozialetan.

Guardar

Serratek CEARekin bat egiten du Mediterraneoko heriotzen amaiera aldarrikatzeko

P V

CEARrek eta Joan Manuel Serrat abeslariak bat egin dute “Gure Mediterraneoa berreskura dezagun” izeneko bideoa aurkezteko. Ekimenaren helburua, Europaren pasibotasunaren aurrean, modu sistematiko eta jarraian, Mediterraneoan hiltzen diren milaka errefuxiatuen egoera salatzea da.

CEARrek nabarmendu du, urte bete pasa dela Aylanen irudia hedabide guztien portadetan ikusi genuenetik eta oraindik ere, Europar Batasunak ez diela errefuxiatuei beste aukerarik uzten: Paradoxikoki beraien bizitza arriskuan jarri behar dute gerra eta jazarpenetik ihes egiteko.

Azkeneko 16 urteotan 30.000 pertsona inguru hil dira Mediterraneoan, beraien bizitza salbu jartzen saiatzen ziren bitartean. Aylanen argazkia ikusi genuenetik, 4.182 pertsona hil dira itsaso bereko ur sakonetan. Salbamendu operazio eraginkorrik ezean, CEARrek Europako agintariei “birkokatze eta birlekuratze prozesuen geldotasun ulertezin eta onartezina” leporatzen die. Horrez gain, asilo eskatzaile gehiagoren helduera eragoztea espainiar Estatuko kostetara heltzen direnean egotzi die, EB-Turkia akordiarekin demostratzen dena. Momentu honetan, akordioa Europako Herri Defendatzailea ikertzen ari da CEARrek jarritako kexaren ondorioz, 294 erakundeen babesa eta 11.000 hiritarren sinaduraren babesarekin.

Joan Manuel Serratek bat egin du aldarrikapenarekin, bere esanetan “gaur egungo Mediterraneoa izen bereko nire abestia inspiratu zuen espiritutik oso urrun dago eta”.

CEARrek gogorarazi du Aylanen argazkiaren ostean, mundu mailan suertatu zen elkartasuna ez dela bat etorri Europako agintariek hartutako erabakiekin. Estrella Galan, CEAR-eko Zuzendariaren esanetan, “tamalez, orain dela urte bete entzun genituen hunkipen hitzaldiak bertan behera gelditu dira eta Aylan bezalako beste milaka umeek egunero egin behar dute bidaia arriskutsu hori Europan asiloa eskatu ahal izateko. Gainera, heltzean, oso gutxitan ematen zaie behar duten Nazioarteko Babesa eta ematen zaienean, askotan, gogoz kontra egiten da. Gogoan ditugu ere Grezian dauden milaka errefuxiatuak, bere bizitzarekin zer gertatuko den ez dakitenak”.

Galanek nabarmendu duenez “mundu osoan hiltzen diren errefuxiatuen %80a Mediterraneoko uretan zentzen dira. Egoera tamalgarri honi aurre egiteko eta asiloa Europan eskatu ahal izateko, mugaldeak pasatzeko bide seguruak erraztu behar dira, errefuxiatuek ezin dituztelako beraien bizitzak jokoan jarri herrialde seguru batetan bidezkoa den nazioarteko babesa eskatu ahal izateko”.

Azkenik, CEARrek esker onak eman nahi dizkie ekimenean parte hartu duten pertsona guztiei, Joan Manuel Serrati aipamen berezi bat eginez, bere parte-hartze desinteresatuagatik.