Gaurkotasuna

2015eko Memoria ikusgai

P V

ZEHAR errefuxiatuekink 2015eko ekintzen memoria plazaratu berri du. Bertan honako gai hauek kontsultatu ditzakezu: unerik gogoangarrienak, auditoretzak eta beste erakundeekin egindako lana, besteak beste.

SISTEMATIZAZIOA – Memoria partekatuak

P V

Esperientzia sistematizatzeko prozesu bat garatu da; horren bidez, proiektuaren historia berreskuratu da, eta kritikoki aztertu eta interpretatu da, ondorioak, ikaskuntzak eta gomendioak biltzeko, gure jarduna hobetu eta beste pertsona eta erakunde batzuekin partekatze aldera.

Prozesu horren bidez, ekimena aztertu dugu, eta erbesteratze-esperientziari aurre egiteko gakoak aurkitu ditugu, esperientzia horien unibertsaltasuna agerian jartzeko eta gaur egun, hemen eta orain, modu bihozbera eta duinean harrera egiteko Euskadira iristen direnei.

Prozesuari buruzko informazioa jaso nahi baduzu, jarri harremanetan gurekin helbide honetan: info@cear-euskadi.org

Kolektiboen arteko topaketa

P V

Memoria historikoa lantzen duten eta errefuxiatu zein etorkinekin lanean ari diren kolektiboak elkartzeko gune bat sortu da, elkarren lan-esparrua ezagutzeko eta elkarrekin hausnartzeko nola txertatzen ari diren erbestea bakoitzaren lan- eta ekintza-agendetan.

Encuentro colectivos

Itzuli proiektuaren aurkezpenera

Guardar

Memoria partekatuak – Unibertsitateko egitasmoak

P V

EHUGUNE, Unibertsitatea eta Gizarte Zibila, gerraren eta behartutako lekualdaketen aurka

Espazio hau Gernika Gogoratuz eta EHUrekin elkarlanean sortu da; bertan, unibertsitateko hainbat eragilek eta giza eskubideen, bakearen kulturaren eta behartutako migrazioen alorrean lan egiten duten elkarteetako zein gizarte-mugimenduetako hainbat ordezkarik parte hartu dute. Espazio horren helburua zen Unibertsitatearen eta antolatutako gizarte zibilaren arteko artikulazioa eta aliantza estrategikoak sustatzea, gerrari eta behartutako lekualdatzeei aurre egiteko eta pertsonen zein herrien giza eskubideak defendatzeko.

Mahai ingurua “Europa eta Asilo Eskubidea: Historia, mugak eta babesa behartutako desplazamenduen aurrean”

EHUko Lankidetza Bulegoarekin elkarlanean, “Europa eta Asilo Eskubidea:historia, mugak eta babesa behartutako desplazamenduen aurrean” jardunaldia antolatu da, honako helburu honekin : Europako asilo-sistema eta EB egungo egoerari ematen ari zaion erantzuna hobeto ezagutzea, Hegoaldeko Mugan errefuxiatuen eskubideen urraketen arloan gertatzen ari dena aztertzea eta egungo testuinguruak elkartasun internazionalistari jartzen dizkion erronkak jorratzea.

Itzuli proiektuaren aurkezpenera

Guardar

Memoria partekatuak – Hizketaldiak

P V

Hainbat udalerritan hizketaldiak antolatu dira errefuxiatu baten eta erbesteratu baten edo erbesteratuen senide baten artean, pertsona horiek bizi izandakoa partekatzeko. Hain zuzen ere, Getxon, Ortuellan, Gernikan eta Portugaleten egin dira horrelako hizketaldiak, eta herritar asko bertaratu dira bertara, memoria historikoa ezagutzeko eta harrera gizatiarragoa nola egin ikasteko.

Getxo
Gernika-Lumo
Portugalete
Ortuella

Itzuli proiektuaren aurkezpenera

Guardar

Memoria partekatuak – ASYLUM komikia

P V

Marina, 94 urterekin, oroitzen da Otxandiotik Bartzelonara, Bartzelonatik Frantziara, eta Frantziarik Venezuelara egin zuen bideaz. Erbeste hark bat egiten du Sanza, Aina, Chris eta Imeldaren erbesteekin, ihesi doazelarik gerratik eta indarkeriatik, ezkontza behartuetatik, sexu-esplotaziorako salduak izatetik, homofobiatik eta feminizidiotik.
Javier de Isusik erbestearen berri ematen digu orrialde hauetan,bere artearekin. Aurrez aurre jartzen dizkigu atzo eta gaur bidean aurrera joan behar duten pertsonak, bizirik eta onik jarraituko badute, duintasunez bizitzeko leku baten bila. Pertsona horiek ihesi doaz, bai, baina indarkeriari aurre egiteaz gain, eusteko eta zutitzeko dugun gaitasuna ere erakusten diote munduari.

‘Asylum’ komikia eskura dezakezu estekan ageri diren salmenta-puntuetan