DESERROTUAK

Deserrotuak Zehar-Errefuxiatuekineko kanpaina bat da, migrazio klimatikoez haratago sakontzea helburu duena. Ekoizpen, banaketa eta kontsumo neoliberalaren ereduaren ezarpenaren, kolapso ekosozialaren eta biztanleriaren desplazamendu behartuen arteko harremanari buruzko hausnarketa egitea helburu duena.

Ingurumen-desplazamenduaren arrazoi nagusia sistema kapitalista da. Horrela, enpresa transnazional askok lurraldeak okupatzen dituzte Hegoaldean, bertako baliabide naturalak kenduz eta tokiko populazioen habitata eta bizimoduak suntsituz. Gainera, indarkeria estrategia gisa erabiltzen da bertan bizi diren pertsonak lekuz aldatzera behartzeko. Lekualdatutako pertsonak dira, #Deserrotuak.

Kapitalismoak eta klima-aldaketak milioika lagun behartzen dituzte etxetik ihes egitera, urtero-urtero. Sistema estraktibistak bizimoduak suntsitzen ditu, ingurumena narriatzen du, eta pertsonak lekualdatzen ditu. Europako politikak, gainera, murruak altxatzen ditu, eta gehien behar dutenei laguntzea galarazten. Premiazkoa da ekitea eta besteak beste #ekofeminismoa babestea. Harpidetu kanalera, eta batu zaitez aldaketara! Animatu, eta eman izena “DESHABITADAS, un recorrido entre el despojo y las fronteras” txostenaren aurkezpenerako. Urriaren 9an, 18:00etan. Bilborocken (Bilbo).

Gure txosten berriaren aurkezpena: Deserrotuak, bipiltze eta mugen arteko ibilbidea

Lana hau, berriz ere –eta korrontearen aurka- populazioaren mugimendu behartuen analisia eta garapen ereduaren ulermena gune berdinean kokatu nahi ditu. Asilo-eskubidea, muga-politika, estraktibismoa eta mugimendu behartuen arteko loturak jorratzen ditugu, Senegal azterketa kasu hartuta, euren bizimoduen desagerpenaren ondorioz Euskadira heldu diren pertsonen esperientzien bitartez; eta lurraldearen emakume defendatzaileen borroka eta istorioen bitartez. Agroekofeminismotik garatzen ari diren alternatibak ere partekatzen ditugu.

Deskargatu txostena