Deskribapena

Ez da sartzen. Genero-arrazoiengatik zapaltzen dituzten emakumeentzako asilo-eskubidea aitortzeko kanpaina

Egilea: ZEHAR errefuxiatuekin

ZEHAR errefuxiatuekinn presio politikoko kanpaina bat egin da, honako hau lortzeko:
• Genero-ikuspegia asilo-eskubidean eta bere prozeduretan sartzea sustatzea.
• Genero-arrazoiengatiko zapalkuntza zer den ezagutaraztea
• Espainiako Gobernuak jazarpen hau eraginkorki onartu dezan lortzea
Presio-estrategia gisa, presio politikoko talde bat osatu zen. Bertan instituzio publikoek eta erakundeek hartzen dute parte, bi ekintza-bideri jarraituz: beren erakundean eta haiekin lan egiten duten taldeei horrelako jazarpenak eta asilo-eskubidea ezagutarazteko barne-jarduerak eta Espainiako Gobernua presionatzeko kanpo-jarduerak, taldeko gainerako kideekin koordinazioan.
2007 hasieran, testuingurua aldatu egin zen, positiboki. Martxoaren 15ean, Diputatuen Kongresuan “Emakumeen eta gizonen arteko aukera-berdintasunerako Lege Organikoa” onartu zen. Lege hau garrantzitsua da, oro har, emakumeek jasaten dituzten diskriminazio-forma guztiak desagerrarazteko borrokan, baina bereziki nabarmendu nahi genuke Lege honek ASILO-LEGEA ALDARAZTEN duela, Hogeita Bederatzigarren Xedapen Gehigarriaren bitartez.
“Hogeita bederatzigarren xedapen gehigarria. Martxoaren 26ko 5/1984 Legean, Asilo-eskubidea eta Errefuxiatu-izaera Arautzeari buruzkoan, hirugarren xedapen gehigarri berria gehitu da, hurrengoaren arabera: Hirugarren xedapen gehigarria. 3. artikuluko 1. paragrafoan xedatutakoa aplikatuko zaie, genero-arrazoiengatik jazarpena jasateko beldur oinarriduna izan eta euren jatorrizko herrialdeetatik ihes egiten duten emakume atzerritarrei.”

Informazio gehigarria