Migratzaileen aurkako aurreiritzien sustapena salatu du Zehar-Errefuxiatuekin elkarteak, beste erakunde batzuen artean

Asiloa, CEAR-Euskadi, Giza eskubideen, Hirugarren sektoreari buruzko albisteak, Prentsa-oharrak

Hainbat gizarte-erakundek, Zehar-Errefuxiatuekin barne, Pedro Sanchez Espainiako presidentearen azken adierazpenen ostean, gogor kritikatu dituzte migrazio politikei buruz esandakoak, eta kezka agertu dute iritzi publikoan izango duen eraginagatik, uste baitute migratzaileen aurkako iritzi negatiboak sustatzen dituztela. Irtenbide konstruktiboak eskaini beharrean, presidentearen hitzek aurreiritziak elikatzeko eta estereotipo negatiboak finkatzeko baino ez dute balio, Europan babesa eta aukera hobeak bilatzen dituzten pertsonenganako gaitzespena eta estigmatizazioa piztuz. 

 

 

Zehar-Errefuxiatuekin erakundeak aniztasuna aintzat hartuko duen gizarte inklusibo eta errespetutsu baten eraikuntzan sinesten du. Pertsona migratzaileak kriminalizatzea edo egiturazko arazo zabalagoen erretorika ordaintzaile bihurtzea bilatzen duen erretorika oro arbuiatzen dugu. Funtsezkoa da gogoratzea migrazio politikak giza eskubideetan eta pertsonen duintasunean oinarritu behar direla, ez populismoan eta beldurrean. 

Gainera, nabarmendu nahi dugu iruzkin horiek une kritiko batean iristen direla, elkartasuna eta lankidetza inoiz baino beharrezkoagoak diren une batean. Migratzaileak ez dira mehatxu bat, baizik eta aukera bat gure komunitateak aberasteko eta guztiontzako etorkizun bidezkoago bat eraikitzeko. 

Migratzaileen eta errefuxiatuen eskubideen defentsan lanean jarraituko dugu, migrazioaren inguruko narratiban aldaketa bat sustatuz. Funtsezkoa da gizarte gisa gorroto diskurtsoak baztertzea eta aniztasuna gure bizikidetzaren berezko balio gisa besarkatzea. 

 

Zehar-Errefuxiatuekin giza eskubideen defentsarekin eta Euskal Autonomia Erkidegoan migratzaileen gizarteratzearekin konprometitutako erakundea da. 25 urte baino gehiagoko esperientziarekin, nazioarteko babesa bilatzeko pertsona orok duen eskubidea aitortzeko borrokan erreferentea da erakundea.

Informazio gehiagorako: 688689512 / comunicación@zehar.eus

GERNIKAKO KULTURA ETA BAKEAREN NAZIOARTEKO XXVII. JARDUNALDIAK: MUGA, ITZALAK ETA EDERTASUNA

CEAR-Euskadi, Ekitaldiak, Giza eskubideen, Hirugarren sektoreari buruzko albisteak

Gernikako bonbardaketaren 80. urteurrenaren oroitzapenezko ekitaldien XXVII esparruan, Gernika Gogoratuz eta CEAR Euskadik elkarrizketarako eremu bat ireki dute, Bakearen Kulturaren garapena sustatzeko.XXVII. edizioa izango da eta apirilaren 27 eta 28an leku-aldatze derrigortuen gaia hartuko da hizpide, hainbat aspektu landuz, hala nola arrazoiak eta ondorioak. Asilo-eskubidea eta gerratik, indarkeriatik eta miseriatik ihesi datozen pertsonen joan-etorria. Erbestearen iraganeko eta gaur eguneko esperientziak. Gizartearen erantzukizun politikoa eta erronka, harrera duin bat bermatzeko. Gerraren aurreko elkartasun eta iraunkortasun ekimenak.

Jardunaldietan parte hartzeko inskripzioa dohainik da baina izen-emate fitxa bete eta info@gernikagogoratuz.org helbidera bidaltzea beharrezkoa da.

Informazio gehiago: https://www.gernikagogoratuz.org/eu/agenda/show/id/132

Egitaraua

ZEHAR errefuxiatuekink Emilsen Manyoma eta haren senar Joe Javier Rodallegaren hilketak salatzen ditu

CEAR-Euskadi, Hirugarren sektoreari buruzko albisteak

Joan den urtarrilaren 17an aurkitu zituzten gorpuak Buenaventuran (Kolonbia). Emilsen Lurraldeetan Bakea Eraikitzen duen Erkidegoen (CONPAZ) sareko kidea zen. CONPAZ sarea Kolonbiako gatazka armatuaren eta nazioko eta nazioarteko enpresa pribatuen interesen eraginpean dauden erkidegoen eta erakundeen ekimena da. Justicia y Paz erakundeak laguntzen zituen, izan ere, erakunde honek Eusko Jaurlaritzako Giza Eskubideen Defendatzaileentzako Babes Programan parte hartu zuen.

Eusko Jaurlaritzak, Eusko Legebiltzarrak eta giza erakundeek osatu zuten 2014ko urtarrilean Kolonbiara joan zen delegazioa. Bertan, Emilsenekin bildu ziren bere komunitatearen arrisku egoera zein zen aztertzeko.

Emilsenek eta Joek beren ekarpena egin zioten Calimako lurralde kolektiboko eskubideen aurkako enpresa-interesen salaketari, hauek ere salatuz: Calima eta San Juan ibaietan eta Buenaventura barrutian herritarrak interes pribatuetarako erakartzen zirela, kontrol paramilitarra ezarri zela eta droga-trafikoko operazioak egiten zirela. Horrez gain, indar publikoek droga-trafikoaren aurka ezer egin ez izana eta hori toleratu izana salatu zuten.

Emilsenek, CONPAZeko buru gisa, proiektu humanitarioen adierazpenaren alde egin zuen Calima ibaian, Bajo San Juanen eta Bajamar inguruan (4. komunan, Buenaventurako hirigunean). Horrez gain, Espazio Humanitarioa ezarri zuen Punta Icacon.

Iazko urte erdialdetik aurrera, erailketak eta desagerpenak dokumentatzen laguntzen aritu zen Egiaren Batzorderako. Horretarako, droga-trafikoen operazioak identifikatzen eta bere lurralde kolektiboko operazioen kontrako argudioak ematen aritu zen.

Emilsenen eta Joeren familiakoei eta lagunei elkartasuna adierazteaz gain, ZEHAR errefuxiatuekin kezkatuta dago giza eskubideen defendatzaileek Kolonbian jasan behar dituzten mehatxuetaz, kriminalizazioaren eta estigmatizazioaren ondorioz, eta espero du hilketa hauek behar bezala ikertzea eta erantzukizunak argitzea.

Eusko Jaurlaritzak bat egin du erahilketen salaketarekin, hementxe irakurri dezakezu adierazpena

 

UNESCO Etxearen “Eman Minutu bat” film laburren lehiaketa martxan dago

Asiloa, CEAR-Euskadi, Hirugarren sektoreari buruzko albisteak

Hauxe da lehiaketaren 7. edizioa eta aurten, aurkeztutako lanek, asilo eskubidearen alorrean hausnartuko dute. “Eman Minutu bat babesaren alde” lehiaketaren helburua da errespetuan oinarritzen den eta giza eskubideak defendatzen dituen gizartea lortzen laguntzea, arreta berezia eskainiz pertsona orok aske ibiltzeko eta asiloa lortzeko duen eskubidea defendatuko duen gizarte kritiko eta solidario bat eraikitzeari.

Gehiago Irakurri