Bilbo, 2026ko maiatzaren 10a. Zehar-Errefuxiatuekin entitateak 30 urte bete ditu errefuxiatuen, aberrigabeen, migratzaileen eta giza eskubideen defendatzaileen eskubideen alde eta garapen integralaren alde lanean. Aurten mugarri oso berezia ospatuko dugu: Zehar-Errefuxiatuekinen 30. urteurrena. Hiru hamarkada daramatzagu Euskadin lanean, Giza Eskubideak defendatzen eta sustatzen, bai eta nazioarteko babesa behar duten edo bazterkeria-arriskuan dauden errefuxiatu, aberrigabe, migratzaile eta giza eskubideen defendatzaileen garapen integrala bultzatzen ere. Hasiera hasieratik, helburu argi batekin lan egin dugu: eskubideak babestea eta bizitza duinak sustatzea. Laguntza integrala eskaintzen dugu,laguntzen ditugun pertsonen eskubideendefentsa eta inklusioa sustatuz. Euskadin lan egiten dugu errefuxiatu, aberrigabe, asiloeskatzaile, giza eskubideen defendatzaile eta migratuentzako inguru abegitsu eta segurua sortuz. Urte hauetan zehar, gizarteratzeko zein kulturaren, lanaren eta politikaren arloan integratzeko prozesuen aldeko apustua egin dugu; pertsonekin, erakundeekin eta komunitateekin batera, erronkei aurre egiteko sare sendo eta solidarioa eraikiz. Gure ikuspegia gizarte bidezkoago eta inklusiboago bat bultzatzea izaten jarraitzen du. Zehar-Errefuxiatuek gizarte-aldaketarako eta eraldaketarako funtsezko eragilea izaten jarraitu nahi du; justizia, diskriminaziorik eza, aukera-berdintasuna eta norbanakoaren zein kolektiboaren identitatearen errespetua sustatuz, sareko lanaren eta partaidetzaren bidez. 30 urte ospatzea ez da atzera begiratzea soilik; lanean jarraituko dugu Euskadi harrera errealitate bihurtuko den lekua izan dadin, eskubideak bermatuko diren lekua eta pertsona bakoitzak bere bizi-proiektua duintasunez berreraiki ahal izango duen tokia. Eskerrik asko 30 urte hauek posible egin dituzuen pertsona, erakunde eta komunitate guztiei.
