- Martxoaren 26an, Serigne Mbayé atxilotu zuten, beste sei pertsonarekin batera, etxera sartzen ari zela. Espainiako Poliziak gertakarien kontakizun faltsu bat eraiki zuen, baina lekuko izan zirenek zuzenean ikusitakoak kontrajartzen du bertsio hori.
- Nazioarteko erakundeek —giza eskubideen aldekoek, antirrazistek, feministek, sindikalek, erlijiosoek eta hezkuntza arlokoek— babesa eman diete auzotarrek plazaratutako komunikatuari.
- Atxikimenduen zerrenda zabalik dago oraindik, eta jasotzen diren babes berriekin eguneratuko da.
Bilbo, 2026ko apirilaren 1a. Zehar-Errefuxiatuekinetik auzotarrek kontatutako gertakarien bertsioa babesten duen komunikatua sinatu dugu; izan ere, haiek izan ziren atxiloketen lekuko zuzenak. Bi egunetan soilik, Estatu osoko 307 erakunderekin bat egin dugu auzotarrak babesteko komunikatuan. Halaber, salatu dute segurtasun indarrek egindako identifikazio etniko-arrazialak ohikoak direla.
Atxikimenduen artean daude giza eskubideen aldeko erakundeak, hala nola Amnistia Internazionala eta CEAR, baita lankidetza GKEak ere, besteak beste ActionAid, Entreculturas eta Oxfam Intermón Fundazioa.
Era berean, bat egin dute erakunde ekologista eta bakezaleek, hala nola Greenpeacek, Ecologistas en Acciónek eta Amigos de la Tierrak; sindikatuek, besteak beste Comisiones Obrerasek, CGTk eta CNTk; eta auzo-elkarte ugarik —FRAVM Madrilgo Auzo Elkarteen Federazioak gidatuta—, tartean atxiloketak gertatu ziren auzoko hainbat elkarte.
Halaber, komunikatua babestu dute hainbat ikastetxetako guraso-elkarteek, parroki komunitateek —San Carlos Borromeo kasu— eta beste erakunde erlijioso batzuek, hala nola Migratzaileentzako Jesuiten Zerbitzuak, Komunitate Kristau Herrikoiek eta Obrim Fronteres IJAN Koordinakundeak (Sionismoaren aurkako Juduen Nazioarteko Sarea).
Bestalde, komunikatua sinatu dute Madrilgo zein Estatu osoko dozenaka kolektibo sozialek —mugimendu sozial, antirrazista, bakezale eta feministetakoek—, haiek baitira mobilizazio sozial honen oinarri. Besteak beste, Manteroen Sindikatua, Maizterren Sindikatua, Asanblada Feminista edo Madrilgo 8M kolektiboa, Red Acoge, SOS Arrazakeria eta Poder Migrante aipatu daitezke.
Serigne Mbayéren auzotarrek eskerrik beroenak eman dizkiote erantzun sozial honi, eta baloratzen dute segurtasun indarrei erantzukizunak eskatzea, bai eta jarduteko protokoloak aldatzea ere.
Atxikimenduen zerrenda zabalik dago, eta esteka honetan eguneratuko da babes berriak iristen diren heinean:
Komunikatua eta erakundeen zerrenda osoa