Deskribapena

Azken hamarkadan, aldaketa sakonak gertatu dira Bizkaiko gi- zartean. 2008. urtearen aurreko aldiaren bereizgarri izan ziren egonkortasuna, hazkundea eta oparotasuna, eta horrek lan-bila zebilen jendea erakarri zuen beste herrialde batzuetatik, une hartan lan-aukera ugari baitzegoen hemen.

Jatorri, sinesbide edo kultura desberdineko jendeak zintzi- likatzen ditu arropak gure auzo eta hirietako patioetan. Gure auzokide egin dira, gure lankide, ikaskide; haiekin partekatzen dugu gizarte-esparrua, edo kultura-esparrua, edo aisialdikoa… Eta, jende horren etorrerarekin, kultura-aniztasuna sartu da Bizkaiko gizarte-egiturara, behinola heterogeneoa zen gizarte- egiturara.

Gure hiri eta herrietako etxeetako arropak zintzilikatzeko tokie- tara so egitea nahikoa dugu, etxe horietan nor bizi den erakus- ten duten arrasto interesgarriak ikusteko.

Terrazan, gehien bat punky, hippy, heavy, gotiko, pijo, hip-hop edo bestelako hiri-triburen bateko jantziak ikusten badira, ez da zaila izango arropa horien jabeen joera ideologikoak eta/edo estetikoak asmatzea. Tribuen jantziez gain, pintzekin zintzi- likatuta egongo dira, ziurrenik, grasaz zikindutako lanjantziak, tomatez zipriztindutako aurreko mantalak, traje eta gorbatak, kale-garbitzaileen edo zoladuran zuloak egiten dituztenen uni- forme biziak…, lanean erabiltzen ditugun jantziak, alegia. Eta gainera, lehortzeko zain mezkitara joateko txilaba zuriak bal- din badaude, edo melfa koloretsu nahiz belo brodatuak, tunika afrikar nahiz neska-jantziak, edo quetchua, maya nahiz guam- bianoen jantzi tradizionalak ikus badaitezke, une batez gelditu eta begiratzen duenaren begi kuriosoek erraz ondorioztatuko dute zer-nolako kultura-aniztasuna dagoen auzoan.

Bizkaiko gizartean gertatu den sionomia-aldaketak eta al- daketa horren konplexutasunak bultzatuta, Errefuxiatuei La- guntzeko Euskadiko Batzordeak Bizkaiko kultura-aniztasuna aztertzeko lan zehatza egin zuen 2009an, 2010ean eta 2011n. Horretarako, Bizkaiko arropa zintzilikatzeko tokiei begiratu bat egitea proposatu zuen, eta hori izan zen abiapuntu, Bizkaiko bizikidetzaren kartogra a orokorra egiteko.

Informazio gehigarria