Migrazio eta Aniztasun Sareak Intersekzionalitate proiektuaren IV. faseari ekin dio Rafael Armesto abokatuaren eta Zehar-Errefuxiatuekin erakundeko Zuzendaritza Batzordeko kidearen eskutik egindako prestakuntza juridikoarekin
Bilbo, 2025eko azaroaren 14a. Zehar-Errefuxiatuekin elkartean intersekzionalitatearen aldeko apustuarekin jarraitzen dugu, eta Intersekzionalitate proiektuaren IV. faseari ekin diogu: Hieslarien arreta sozialean eta komunitarioan ikuspegi intersekzionala txertatzeko sare-lanerantz.
Topaketa hau Intersekzionalitate proiektuaren laugarren fasearen esparruan Migrazio eta Aniztasun Sarearen lehen bilera izan da. Etapa berri honetan, eragin politikoan jarriko da arreta handiagoa, intersekzionalitatearen ikuspegia gizarte-eskuartzean kokatzeko helburuarekin. Topaketan Sareko erakunde ugariren eta gure erakundeko langileen parte-hartze handia izan zen.
Fase honen helburua da intersekzionalitatea gizarte-eskuartzean bultzatzen duten erakundeen arteko truke- eta sare-laneko dinamika egonkorrak sendotzea, eta kultur, funtzional eta genero-aniztasunaren ikuspegiak txertatzeko tresnak eta orientazioak zabaltzea, egoera ahulean dauden pertsona errefuxiatu eta migratuekin egiten den lanean.
Prestakuntza: Galdutako gaitasunaren bila. Pertsona erdigunean
Topaketaren ardatza Rafael Armesto abokatuak emandako prestakuntza izan zen, pertsonen intersekzionalitatea eta euren gaitasuna lantzeko gaitasun juridikoari buruzkoa; pertsonak erdigunean jarriz eta edozein pertsonaren ezgaitzeari alternatibak aztertuz. Gaiari lotutako lege eta dekretu ugari jorratu eta aztertu ziren, baita kasu eta epaiak ere, eta horietan parte hartzen duten erakundeak.